توافقنامه همکاری استراتژیک بین پاکستان و تاجیکستان علیه تروریسم

به گزارش کلینی نیوز،  شهباز شریف، نخست‌وزیر پاکستان که در راس یک هیئت بلندپایه به تاجیکستان سفر کرده، با امامعلی رحمان، رئیس جمهور تاجیکستان دیدار کرد.

رهبران این دو کشور در اولین دیدار خود از زمان تشکیل دولت جدید در پاکستان، توافق‌نامه همکاری راهبردی امضا کردند.

به گزارش جئو نیوز پاکستان، شهباز شریف در یک نشست خبری با امامعلی رحمان در شهر دوشنبه گفت: «کشورهای همسایه افغانستان از جمله پاکستان و تاجیکستان قربانی تروریسم شده‌اند. اسلام‌آباد آماده همکاری در زمینه مبارزه با تروریسم است».

در همین حال، خواجه محمد آصف، وزیر دفاع پاکستان نیز بر ادامه عملیات پاکستان علیه شبه‌نظامیان طالبان پاکستانی (TTP) در داخل مرزهای افغانستان تاکید کرده است.

گفتنی است، پاکستان عملیات نظامی خود را در داخل افغانستان و هدف قرار دادن شبه نظامیان تحریک طالبان پاکستان تشدید کرده است. این اقدام در حالی صورت می‌گیرد که اسلام‌آباد مدعی است «طالبان افغانستان پناهگاهی برای جنگجویان تحریک طالبان پاکستان فراهم می‌کند».

طالبان افغانستان اما این ادعاها را رد کرده و بر تعهد خود تاکید می‌کند که اجازه نمی‌دهند هیچ گروه یا فردی از خاک افغانستان علیه کشورهای همسایه استفاده کند.

گفتنی است کشور افغانستان با کشور پاکستان همرز است و مرز مشترکی با تاجیکستان ندارد.

جنبش طالبان تاجیکستان در سال ۱۴۰۱ در تاجیکستان ظهور کرد.

این جنبش قبل از سقوط دولت افغانستان در صفوف طالبان افغانستان علیه نیروهای امریکایی و ناتو و همچنین ارتش افغانستان می‌جنگیدند، اما پس از تسلط طالبان بر افغانستان در چند ولسوالی در ولایت بدخشان در شمال شرق افغانستان در مرز تاجیکستان مستقر شدند.

تحریک ۰۹طالبان در چهارچوب جماعت انصارالله که از سوی روسیه یک سازمان تروریستی ممنوعه شناخته شده است، فعالیت می‌کند.

ناظران معتقدند که تحریک طالبان تاجیکستان می‌تواند با شاخه داعش خراسان که شهروندان تاجیک زیادی در صفوف خود دارد، رقابت کند.